Vakatura

Vakatura trabou boluntario

Fundashon Encelia ta buska:

Trahadónan den grupo (m/f)
Bo ta gusta mucha i bo ta bria un outoridat natural. Huntu ku un kolega-boluntario bo ta responsabel pa e kuido diario di maksimal 8 mucha den un grupo di edat. Bo tin eksperensia pa traha den grupo i bo tin konosementu di sierto dinámika di grupo. Bo a kaba bo estudio direkshon SPH òf SPW-4.

Empleado Pedagógiko (m/f)
Bo a hasi un estudio ku ta dirigí riba mucha, manera PA (Pabo) òf (orto)pedagogia i alabes bo tin eksperensia  pa traha ku mucha. Huntu ku un kolega-boluntario bo ta responsabel pa e kuido di maksimal ocho mucha den un grupo di edat. Bo trabounan ta kasi meskos ku esun di e trahadó den grupo. E diferensia ta ku abo konsientemente ta usa bo konosementu i eksperensia, huntu ku e otro disiplinanan, pa traha ku e mucha pa yega na un bon bista i solushon favorabel di e problema.

Ken nos mester?
Nos mester di hendenan ku ta dispuesto pa traha den nos tim pa un temporada di mínimo 1 aña, ku tin mínimo 20 aña di edat i ku a sigui un estudio relevante, por ehèmpel ‘Sociaal Pedagogische Hulpverlening’ (SPH), òf Sociaal Pedagogisch Werk (SPW), PA (PABO) òf (orto)pedagogia. Bo tin bo reibeweis!

Grupo di sosten
Encelia ta dependé parsialmente di donashonnan. Kada boluntario ta wòrdu sostené dor di su amigunan, dor di su Iglesia òf su propio sèn di spar. Na e tereno na Veeris tin un kantidat limitá di kamber disponibel pa boluntarionan. Bo ta paga un suma chikitu pa koriente, Internet i e hür di bo kamber.

Kontakto
Nos ta apresiá si bo ta hasi orashon pa sa si esaki ta un yamada di Dios pa bo. Tuma kontakto ku nos libremente asina nos por wak ku e trabou ta pas ku bo. Pa mas informashon: info@encelia.cw.

Mas den e rúbrika aki

Nederlands

Papiamentu