Prevenshon

E 6 Modulonan di Wak bo kaya

‘Wak bo kaya’ ta wòrdu ehekutá usando métodonan di enseñansa interaktivo. E hóbennan ta haña konosementu i nan ta siña i reforsá abilidatnan. E programa ta wòrdu tresé durante tres dia konsekutivo. ‘Wak bo kaya’ ta konsistí di 6 modulo konsekutivo. Kada dia ta duna dos modulo ku un durashon total di tres ora. E modulonan ta:

1.      Sírkulo di eksperensia
Kiko bo ta hasi tur dia? Kiko ta importante pa bo? Bo sa ku bo ta úniko? Nos ta papia tokante e importansia pa hasi bon eskohonan.

2.      Relashonnan
Ki ròl relashonnan ta hunga den bo bida? Kiko ta e diferensia entre un relashon sano i un relashon robes? Nos ta pensa tokante metanan pa futuro.

3.      Media
Ki informashon ta drenta konsientemente òf inkonsientemente den bo mente? Ki emoshonnan esaki ta lanta? Nos ta para ketu riba e importansia di wak ku wowo i skucha ku orea kritiko.

4.      Komportashon di Riesgo
Kiko presis ta un komportashon di riesgo? Nos ta papia di tópikonan manera uso di alkohòl i droga, wega di plaka, tentamentu, agreshon, problemanan ku komementu i adikshon na Internèt.

5.      Seksualidat
Kiko ta amor, deseo seksual i enamoramentu? Kiko ta HIV/Aids i kon bo por pega ku esaki? Di kon apstinensia ta importante? Tambe nos ta splika e diferensia entre mucha hòmber i mucha muhé, tantu den desaroyo komo den nan bista riba kosnan di bida.

6.      Estilo di Bida
Kon bo por skohe pa un estilo di bida sano? Hasi bon eskohonan ta mas fásil papiá ku hasí. Resistensia i e abilidat pa bisa “no” ta pará sentral den e modulo aki.

Mas den e rúbrika aki

Nederlands

Papiamentu