Kuido

Kiko ta un Krísis?

Bo por kompará un situashon di famia na un elastik. Si bo ta keda trèk na e elastik, e ta bira mas largu, mas delegá i mas strak; te ora e kibra. Den un famia tambe por bin stress dor di tur sorto di problema. E problemanan aki por tin di haber ku trabou di kas, trabou, relashonnan, edukashon, problemanan personal, problemanan finansiero òf un kombinashon di problema. E famia ta sali for di balansa ora kos no ta kanando bon den un òf mas di e áreanan aki, òf ku un òf mas miembro di e famia. Esaki tin efekto riba e bienestar di hinter e famia. Si e stress bira muchu grandi, abo komo famia por drenta den un situashon di krísis ora ku bo no sa mas kiko hasi.

Si den famia mes bo no por dil ku e stress, ta importante pa buska yudansa di afó, por ehèmpel serka un otro famia òf serka un instansia ku ta duna yudansa profeshonal. Tin ora e famia ta kai den otro i pa un periodo e no por kuida mas pa e mucha. E ora ei kisas ta nesesario pa e mucha sali (temporalmente) for di e ambiente di kas.

Mas den e rúbrika aki

Nederlands

Papiamentu