Kuido

Guia di Mayor

Lidernan di Encelia ta tuma over edukashon di mucha for di mayor(nan)/persona ku ta kri’é pa un periodo. Esaki no ta nifiká kui nos ta ekskluí e mayor(nan)/persona ku ta kri’é. Si por, nos ta enbolbí nan mas tantu posibel den edukashon di e proseso di kuido di nan yu.

Kontakto ku Mayornan
Nos ta stimulá e kontakto ku famia, ora ku esaki ta bon pa e mucha den e fase di kuido ku e ta. Segun sirkunstansianan ta permití, e mucha tin kontakto via telefòn ku su mayor(nan)/persona ku ta kri’é riba un base strukturá y nan tin mag di bin bishitá e mucha. Ta palabrá esaki ku e lider ku ta guia e famia. Asina ki e mayor(nan)/persona ku ta kri’é por haña eksperensianan nobo i mas positivo den e trato pa ku nan yu.

Sosten den edukashon
Regularmente e mayor(nan)/persona ku ta kria e mucha ta hiba un kombersashon ku e guia di famia. Mayor(nan)/persona ku ta kria e mucha  a haña sosten pa traha i yega na solushon di e krísis. Ademas nan ta evaluá un biaha pa luna e opservashon y guia di Encelia.

Análisis di Famia
Nos ta hasi un análisis di famia pa saka afó e puntonan debil i fuerte di e famia. E puntonan fuerte ta wòrdu enfatisá i ta duna guia i tratamentu pa e puntonan debil. Semper e punto di salida ta e forsa di e mayor(nan)/persona ku ta kria e mucha.

Training
Si ta nesesario òf deseabel, e mayornan por partisipá na trainingnan spesífiko. Por ehèmpel, edukashon, finansa, tarea doméstiko, buska trabou. Algun training Encelia mes ta duna, otro trainingnan nos ta traha huntu ku instansianan lokal, profeshonal i ku eksperensia.

Metanan:
Durante e periodo ku e mucha ta keda na Encelia, nos ta hasi nos máksimo pa logra e siguiente metanan pa e mayor(nan)/persona ku ta kria e mucha:

  • Nan ta haña un alivio temporal i parsial.
  • E relashon entre mayor(nan)/persona ku ta kri’é i e mucha ta mehorá
  • Nan tin mas energia pa karga e responsabilidat pa tur miembro di famia.
  • Nan tin mas bista riba e problema i e funshonamentu di e mucha.
  • Nan abilidat pa guia e yu ta krese.

Mas den e rúbrika aki

Nederlands

Papiamentu