Kuido

Guia di e mucha

E mucha ta wòrdu guiá dor di un mentor personal, ken ta kombersá ku e mucha y ta duna atenshon na emoshon i sintimentunan di e mucha.

Opservashon
Pa sa kiko ta bon pa e mucha, e mucha ta wòrdu opservá. Nos ta paga tinu riba su komportashon, su desaroyo sosial-emoshonal i su desaroyo kognitivo. E proseso di opservashon ta kai bou di un ortopedagogo. E trahadónan ta duna e mucha feedback spesífiko riba su komportashon i abilidatnan.

Plan di Tratamentu
A base di e opservashon, ta prepará un plan di tratamentu pa e mucha i su ambiente. E plan aki ta kontené meta i strategia pa stabilisá e mucha for di e krísis, i pa traha riba e nesesidat di kuido di e mucha y su mayor(nan)/persona ku ta kri’é. Kada tres siman ta tene un reunion multidisiplinario kaminda ta prepará òf ahustá e metanan pa kuadra ku e desaroyo di e mucha.

Tratamentu
Si ta nesesario, banda di e kuido i tratamentu di un ortopedagogo, e mucha ta haña tambe kuido serka un sikólogo òf sikiatra. E tratamentu aki por tuma lugá individualmente òf den grupo. Tin ora kuido ta wòrdu duná dor di un instansia ku kual Encelia ta traha, por ehèmpel den kaso di terapia di wega òf otro terapia spesífiko.

Kolaborashon
Encelia tin un akuerdo di kolaborashon ku e organisashonnan pa hóben mas relevante na Kòrsou. Dor di e kolaborashon aki nos por duna un kuido i follow-up bon i kompletu.

Plan di kuido i konseho
Na final di e periodo na Encelia, e mucha i e famia ta haña un plan di kuido i konseho. Den esaki tin informashon konkreto pa e mayor(nan)/persona ku ta kria e mucha y e mucha mes pa hasi e regreso di e mucha bek den su ambiente original mas positivo posibel. Si ta posibel, e mucha ta bai (bek) kas despues di a biba un temporada na Encelia. Si e mucha no por bai kas (ainda), nos ta buska un lugá adekuá pa e mucha, por ehèmpel serka un famia di kriansa òf un otro kaminda (temporal) di keda.

Follow-up
Despues ku e mucha no ta biba na Encelia mas, durante un aña largu nos ta tuma kontakto kada tres luna ku e mucha pa determiná kon e follow-up ta kanando. Dependiendo di e evaluashonnan aki, i den kolaborashon ku e instansia kaminda e mucha ta keda nos ta duna kontenido na e follow-up.

Mas den e rúbrika aki

Nederlands

Papiamentu