Prevenshon

Proyekto di Prevenshon Wak bo kaya

Fundashon Encelia ta ofresé un programa di prevenshon ku ta interaktivo i ku ta traha riba formashon di karakter pa hóbennan di 11 te 18 aña. E proyekto yama ‘Wak bo kaya’. E proyekto ta reta hóbennan pa skohe pa un estilo di bida sano.

Di kon prevenshon?
Diariamente e hubentut ta wòrdu eksponé na hopi eskoho. Prevenshon ta nesesario pa evitá problemanan físiko, sosial, spiritual, moral i emoshonal bou di nos hubentut.

Grupo di enfoke
‘Wak bo kaya’ ta enfoká riba skolnan, sentro pa hubentut, klup di hóben, asosiashonnan, mayornan i e nètwèrk rònt di nan. ‘Wak bo kaya’ ta wòrdu duná na skolnan i den sentro di bario.

Metanan:
Ku ‘Wak bo kaya” nos ke konsientisá e hóbennan ku nan:

  • Ta úniko i balioso.
  • Mester hasi eskoho tur dia.
  • Mester por kontra preshon di grupo i hasi e eskoho korekto.
  • Tin influensia riba nan futuro dor di hiba un bida saludabel.
  • Por analisá i rekonosé situashon di riesgo i siña dil ku esaki.

Programa
‘Wak bo kaya’ ta wòrdu ehekutá usando métodonan di enseñansa interaktivo. E hóbennan ta haña konosementu i nan ta siña i reforsá abilidatnan. E programa ta wòrdu tresé durante tres dia konsekutivo. ‘Wak bo kaya’ ta konsistí di 6 modulo konsekutivo. Kada dia ta duna dos modulo ku un durashon total di tres ora.

Kolaborashon
Encelia a firma un akuerdo di kolaborashon ku organisashonnan hubenil mas relevante na Kòrsou. Esaki ta nesesario pa huntu traha pa un bon kuido i prevenshon.

Mas informashon
Pa mas informashon tokante e proyekto di prevenshon ‘Wak bo kaya’, bo por tuma kontakto ku Fundashon Encelia – prevenshon, na number di telefon (+5999) 517-3273 òf pa medio di e-mail: info@encelia.cw. E adrès di Encelia – prevenshon ta: Lanthùis Veeris, Oude weg naar Westpunt z/n, Kòrsou.

Mas den e rúbrika aki

Nederlands

Papiamentu