Tokante Encelia

Tokante Encelia

Fundashon Encelia ke yuda den e nesesidat ku ta reina na Kòrsou. Nos ke duna un man na muchanan, hóbennan i mayornan. Nos ta hasi esaki dor di ofresé kuido den situashon di krísis, sosten den edukashon di yu i prevenshon.

Kuido den situashon di krísis
Encelia ta tuma muchanan ku ta bini for di un situashon di krísis pa un tempu. Den un periodo kòrtiku di 12 te maksimal 16 siman, e muchanan ta haña stabilidat i gara, i ta prepará un plan di supervishon pa nan i nan ambiente.

Sosten den edukashon
Encelia ta yuda mayornan ku tin un òf mas yu na e sentro. Encelia ta sostené i stimulá e mayornan den edukashon pa medio di guia di famia.

Prevenshon
Encelia ta ofresé un programa di prevenshon ku ta interaktivo i ku ta traha riba formashon di karakter pa hóbennan di 11 te 18 aña. ‘Wak bo kaya’ ta wòrdu duná na skolnan i den sentro di bario.

Identidat
Encelia ta un fundashon kristian. Nos ta kere ku kada hende, grandi i chikitu, ta balioso den bista di Dios.

Nos nòmber
Encelia ta un nòmber agradabel ku ta pas den e idioma i kultura di Kòrsou, i alabes e ta un símbolo di nos trabou. Encelia ta nòmber di un mata ku ta krese den desierto i ku ta duna flor spontáneo ora áwaseru kai. Nos ta kere ku nos komo fundashon por ta di bendishon pa e muchanan i hóbennan dor di demonstrá Dios su amor i kompashon. Esakinan ta kondishonnan pa un mucha por krese i desaroyá, meskos ku e bunita flor hel di Encelia, ku ta sali solamente ora áwaseru kai.

Vishon
Un mucha ta mas efektivo i por wòrdu apresiá mas den un ambiente protehá. Un ambiente kaminda e mucha ta haña atenshon i amor ku e mester, pa bini na trankilidat i haña seguridat i struktura.

Komienso
Encelia no ta un organisashon nobo na Kòrsou, pero for di aña 1978 e ta aktivo den duna kuido na hóbennan aki na Kòrsou bou di e nòmber bieu Hebron.

Bestür
E bestür di Encelia ta konsistí di Rianne Plaisier (presidente), Bert Braam (tesorero), Iris Loods i Nancy Winklar (sekretario).

Mas den e rúbrika aki

Nederlands

Papiamentu